1 أدور في وجيه الناس عن أحد يشبهنـك
وألمح في ضيا بدر السما منـك طيـوف
2 وارحل في دروب الشوق يا ليت أوصلنك
يا اللي في الحسن عيني غيرك ما تشوف
3 ضاع العمـر وأنـا أحتريـك وأسألنـك
تحبني ولا ما تحبني قـول دون خـوف
4 أنا ما دري وش مصيري ويسألني عنك
قلـب تولـع بحبـك وأوراق وحـروف
5 تعلقت روحي في فضا سحرك وحسنـك
نجم في السما عالي وما يعرف خسـوف
6 يكفي حبيبي يعني جروحـي مـا كفنـك
جروح قلبي في حبـك ألـوف وألـوف
7 والله أدري إنـك تعشقنـي وأعشقـنـك
ودك تقولها لـي لكـن حيـل مكسـوف
8 لي كل يوم حول دارك وقفـة وأطلبنـك
تسمح بالوصال وما همني يطول الوقوف
9 وأخاف يا حبيبي منـي أحـد يآخذنـك
بعيد عني يـا حبيـب قلبـي العطـوف
10 والله إني أحبـك ولا نويـت أهجرنـك
بالله تراني أحلف لـو تهـزك حلـوف